Sidimpuan …. Oh Sidimpuan ….

Sidimpuan... Oh Sidimpuan... Photo by http://sukrifhpsp.blogspot.com

Oleh: Hendrikus Pangaribuan

Ketabo.. Ketabo.. Ketabo dongan tu Sidimpuan an, musim ni salak saonnari disi dongan, tonggi-tonggi sapot sai tabo….

Tai marsafa majolo fuang……
Memang tonggi sapot do salak Sidimpuan i ??

Di dokkon dongan-dongan memang tonggi sapot mada. Di pangan sada mangido dua ninna, apalagi salak ni sibakkua i.

Oiiii dah… tai appal ni kecet majo fuang, imajo urusan ni salak. Tonggi sapot ma dah memang salak na sian Sidimpuan i, tai biado molo nasib? Tonggi do… sanga sapot… di Sidimpuan an?

Imadah nakkinani, dia ma dalan na antong benna marsafa hami dison.. harana anggo nasib, sapot do fuang!!! Biama na naso sapot antong, karejo pe soadong. Panganon pe holan lontong, gebe manangko mantong, mangalamar iba CPNS nadi lehen Polres Kota be SKCK. Ijazah pe so adong. SMP pe so tammat. Oh dodong…..

Oih… dah… Sidimpuan nabalau….. Andigan pe soadong lowongan kerja na cocok tuhami di Sidimpuan on. Padahal huingot dope di dokkon halahi na beteng-beteng i di pilkada walikota Sidimpuan taon 2008 na lewat. Anggo kecet molo di pilih halahi disedia hon pe ninna lowongan kerja. Tai dia do……. martimus pe nada. Ma sataon lobi na soadong dope lowongan na pas. Jadi giot ni halahi mulak iba marsaba? Emma majolo fuang. Masanga di janjihon hamu tu hami mambaen lowongan kerja. Unang do dung monang hamu tai inda diingot hamu hai.

Baca Juga :  "Keblinger Gayus", Jangan Buruk Muka Cermin Dibelah

Rap par Sidimpuan do hita fuang. Ho nimmu par Sidimpuan, au pe par Sidimpuan do….!!! Cuman antong hamu BETENG, hami beteng-beteng. Unang do roha-roha munu sajo, molo na mar Ugamo do hita, dosa doi angkang, marjanji tapi inda ditepati. Unang ancogot masuk narako hamu. Biado!!!

Oh Sidimpuan…….. , nasib nai na sapot on so sidung dope di urus halak na beteng on…… magiot mangusulkon pemekaran provinsi ma nikkalahi Sidimpuan on gabe provinsi TABAGSEL. Aha do sabotulna maksud ni halak on?? Holan jabatan semata do?? sanga memang na giot paturehon nasib nami…..

Ah nauboto be i…. accit ulukku… hamu mai….

Admin Note :

Ditulis dan dikirimkan oleh sdr. Hendrikus Pangaribuan, di Sitamiang-Padangsidimpuan, kusus untuk www.apakabarsidimpuan.com

Tulisan ini merupakan “ungut-ungut” (keluhan) terbuka untuk pemerintah kota padangsidimpuan yang sampai saat ini belum merealisasikan janjinya di waktu pilkada tahun 2008 yang lalu.

CATATAN : Artikel ini sudah dipublish sejak 10 tahun yang lalu. Informasi di dalamnya kemungkinan sudah tidak relavan dengan saat ini. Mohon dibaca dengan bijak, dengan melihat informasi terbaru/sumber-lain sebagai penyeimbang.

5 Komentar

  1. Inda songoni dabo koum2, ikkon main kasar doma sanari baru dibege halai suara rakyat. Main sweeping doma na i, baru dipaksa halai mambaen kebijakan na pro rakyat. Dipaksa, anggo inda roha2 ni halai do dihita i. Beado…?

  2. haha….borat do namarsidiempuan on ateh..!!
    beteng2 ma disi haha..!!

    tumagon mada attong pindsa sian sidempuan tu hai an di SIpirok..!!ngali,,marjagal ma dibaen karejona dohot marmanuk noma haha….!!

  3. molo beteng-beteng di gogoan marurus do boto i ipon i… hahahah
    borat marpanti rupana boratan dope na mar pasid on ate… (pasid=rusak. arabic word)

  4. Sarupo na do sude wakil rakyat i, di pasid sanga di jakarta pe let na janji do na digadis… abis i.. abis mattong, tinggal na tu halai sajo doma…

    nb. bukan pemilih presiden sekarang..

Leave a Reply

Alamat email Anda tidak akan dipublikasikan.


*